BIKPELA salens bilong Papua Niugini Futbal Asosiesen (PNGFA) Disciplinary Codes of Ethics long sindaun na toktok long disiplinari hevi bilong ol top 4-pela soka pilaia bilong kantri.

Tupela PNG Kapuls tim i bin kam aut na planti toktok long sosel midia olsem nem bilong ol top pilaia i no stap na ol i bagarapim PNGFA. Tasol dispela em i no asua bilong PNGFA, em i asua bilong ol pilaia yet long taim bilong gem.

Presiden bilong PNGFA John Kapi Natto i tok, “Taim mi bin kam insait long PNGFA mipela i bin setim ol disiplinari kod komiti long lukautim olgeta memba bilong asosiesen bikos dispela em laip menesmen bilong olgeta pilaia na wok manmeri insait long asosiesen.

“Disiplinari kods komiti bilong PNGFA i askim ol 4-pela top pilaia olsem ol i gat rait long apil gen long opis bilong seketeri na disiplinari komiti bai harim bihain long mekim disisen long kam bek long trening,” Presiden Kapi Natto i tok.

Maski yu ken pilaia namba wan futi na makim kantri long lokal na intenesenel mak wantaim. Tasol sapos yu no gat dispela disiplin  bai yu no inap kisim driman o gol bilong ol long bihain taim.

Jenerel Seketeri bilong PNGFA Pius Letenge i tok, “Mipela nid  long toktok wantaim ol bihainim disisen bilong PNGFA na rot bilong disiplinari komiti bihain long lukim olgeta ripot bilong  ol pilaia olsem na mipela nidim ol pilaia i gat eksperiens.

“Taim mipela i go het long stretim dispela ol hevi, mipela laikim olgeta pilaia husat i no stap long PNG Kapuls tim i mas go het wantaim trening bilong ol na no ken lusim,” Mista Letenge i tok.

Jacklyn Kimala i raitim