TIM Strickland Raiders bilong Komo Hela Provins redi nau long salens wantaim ol arapela tim long 2020 Ipatas Kap we bai kik ov klostu taim.

Olgeta sumatin man bilong Lake Kopiago husat i stap long krismas holide i redi long salensim ol arapela tim long dispela tonamen.

Kosa bilong tim em Andy Andrew, Tim trena Peter Andrew, Tim Dokta  Junior John, Tim Patron Pasto Tolman Siape na Asisten kosa Terry Hata wantaim olgeta tim i bin tok tenkyu long Kodineta bilong Ipatas Kap Obert  Hondle long givim dispela sans long tim we bai ol i ken soim talen bilong ol long dispela tonamen.

“Mipela i tok tenkyu long ol sponsa, sme maket pipel na ol sapota long sapotim tim we bai ol soim kala bilong Lake Kopiago wod na salensim ol narapela wantaim tim,” Raiders tim i tok.

Nau mipela i luk fowat long wanem taim dispela tonamen bai kamap long dispela mun olsem na wantaim sapot bilong olgeta komyuniti, famili na pren ating bai mipela pilai wantaim amamas inap tonamen pinis na lukim husat strongpela tim i ken winim dispela 2020 Ipatas Kap tonamen.

Jacklyn Kimala i raitim