PAGA Panthers meri i bin brukim strongpela bilong Hohola Flies meri wantaim gutpela poin
na winim Maina Primia bilong PRL kompetisen long las wik Sande.

Dispela em bikpela salens namel long tupela strongpela tim long winim maina primia tasol
Flies i bin abrus na Paga autim ol.lgeta
Flies tim i bin gat 10-pela pilaia tasol salensim ol Paga meri wantaim 17 meri, difens bilong
Flies i bin strong na mekim ol Paga noken skorim planti trai.
Long Flies tim olgeta meri em nupela salensim ol olpela PNG Okids pilaia long Paga tim.
Dispela Maina primia salens i bin givim strong long olgeta nupela pilaia bilong Hohola Flies
long neks raun bilong top 8 sisen.
Long wankain taim tu ol Hohola Flies Anda 20 man tu i bin lus long West man, dispela i bin
mekim de bilong olgeta Flies bagarap.
Paga meri i bin amamas long winim maina primia bihain long ol i bin autim Flies wantiam
bikpela skoa na dispela i brukim histori bilong Flies.
Win o lus tasol Flies meri i gat bikpela tingting long go insait long top 8 na traim gen long
fainel resis we bai kamap dispela wiken.
PRL kompetisen i gat bikpela tingting long bringim ol nupela meri i go antap long narapela
kam na givim moa poin long ol. Na tu ol i ken pilai gut wantaim ol olpela pilaia na lainim
ragbi skil na talen wantaim.
Olgeta meri i save resis long PRL i bin amamas long resis wantaim bikos dispela kompetisen
i save kamapim ol gutpela PNG Okids pilaia na tu strongim ragbi lig skil bilong ol insait na
ausait wantaim long fil.

Jacklyn Kimala i raitim