POT Mosbi i redi long holim naispela wiken tonamen stat long 5/6 Disemba wantaim ol PNG
Air Nesenel Trek na Fil Etletiks Sempiansip long dispela wiken.

Dispela bai bungim olgeta Klap tim makim NSI, Lihir, na Rabaul husat ol bai i kam long
joinim Provinsal Tim bilong Nu Ailan, Is Nu Briten, West Nu Briten, Morobe, Is Sepik, Oro
na Simbu long dispela 3-pela de tonamen we bai kik ov long dispela wik Fraide 4 Desemba
long apinun.
Ol Westen Provins tu bai kam wantaim tupela etlit bilong Daru na sampela sumatin bilong
Kiunga. Bikpela namba bilong ol NCD etlit we moa long 100 etlit ol selektim long wan wan
klap i kam aninit long nem bilong NCD wantaim sampela ol tim tu i wetim fanding bilong
travel. Planti bilong ol etlit i save long wanem taim ol bai kam bikos Is Nu Briten i painim hat
tru wantaim balus long Rabaul i kam olsem long Pot Mosbi em i pulap pinis.
Ol Etletik PNG i toktok wantaim lokal brodkasta long wokim live-streamed bilong dispela
Sempiansip long namba wan taim. “Em bai no inap 3-pela ful de” Presiden bilong APNG
Tony Green i tok tasol mipela i tingting long karamapim planti bilong Sarere gem wantaim
mein bung long Fraide na Sande. Dispela em gutpela divelopmen we bai apim dispela
Sempiansip.
Green i tok olsem dispela tingting bilong asisten bilong Oceania Etletik Asosiesen husat
sapotim tupela fainesel na teknikol sait wantaim i no bilong brodkas tasol ol menesmen
bilong ol wan wan tim. Ol bai givim moa toksave pastaim long statim Sempiansip.
Ol Etletiks PNG i bin askim olgeta tim long givim fainel nem long Mande 30 Novemba na
salim long opisal email address. Olgeta tim i mas givim hariap fainel tim long resis em bai
mekim isi long olgeta samting na tu ol opisal bai rekotim.