OL Papua Niugini Nesenel Ragbi Lig Kompetisen (PNGNRLC), menesa bilong domestik semi profesenel ragbi lig kompetisen na ol Digicel Kap, i askim long Ekspresen ov Interes long pilai long 2021 Digicel Kap sisen.

PNGNRL Siaman Adrian Chow i tok dispela ol 12 franchais na narapela ol nupela husat i laik soim interes i mas ringim Stanley Hondina stat long Mande Novemba 23, 2020 na salim email long This email address is being protected from spambots. You need JavaScript enabled to view it. o kol na tex long Mobail namba 73397638.

 “Antap long dispela email, kol o tex, yu bai kisim Basic Entry Requirement Listing na Aplikesen dokumen long pulapim,” Chow i tok.

Em i tok olgeta aplikesen i mas go long han bilong Siaman PNGNRLC long Sir John Guise Stedium long Waigani, NCD bihain long pinis deit long Fraide Desemba 4, 2020 taim 5 klok apinun.                                      

Chow i tok dispela 2021 Digicel Kap sisen i bin stat pinis na olgeta klap husat i laik pilai i mas kolim Stanley Hondina hariap na givim ol aplikesen pepa bihain long Desemba 4, 2020.

 “Mipela bai no inap kisim leit aplikesen bihain long Desemba 4, 2020 deit.