LAS wik long Papa komyuniti ausait long Pot Mosbi PNG LNG Kumul Kosa Michael Marum na Hai Pefomens tim i ranim wanpela ragbi kosa klinik wantaim ol memba bilong Hiri Wes Ragbi Lig.

Dispela tripela de klinik we i pulim 43 patisipen, man na meri wantaim i kam long Papa, Lealea, Boera na Porebada komyuniti.

Kosa Marum i tok trening tim bilong em i lukim planti talent bilong pilai ragbi long dispela klinik.

Em i tok tu olsem dispela ol dispela komyuniti i gat planti histri long pilai ragbi.

Insait long dispela ol kosa klinik Marum na tim bilong em i lukluk long go bek long ol besik pasin bilong pilai ragbi.

“Mipela i nid long stretim ol bes bilong mipela pastaim. Taim mi lukim ol grasrut lig na ol kondisen we ol i pilai long en i no wankain olsem ol bikpela lig,” Marum i tok.

Namel long ol husat i bin stap em Elsie Albert, tim kepten bilong PNG Orchids.

Dispela em i namba tu ragbi kosa klinik ExxonMobil PNG i sapotim. Namba wan klinik i bin kamap long Hela Provins i no long taim i go pinis.

Rosa Koian i raitim