BASKETBAL Federesen bilong Papua Niugini i bin tokaut long kosing na menesmen posisen bilong 2021 Melanesian Kap.

Lon sinia man 5x5 Tim, ol i bin makim Ray Bonner olsem hat kosa na Boyet Daroya em asisten na Nick Daroa em tim menesa.

Ol i bin nemim Moi Muri long kamap het kosa bilong ol sinia meri 5x5 Tim, Martha Aaron em asisten kosa na Christabella Amona olsem tim menesa.

Olpela PNG Kepten Dia Muri i bin kisim het kosa bilong sinia man na meri x tim na presiden Karo Lelai bai menesim.

Ol BFPNG i bin amamas long tokaut long nupela Nesenel Seleksen Polisi we i bin bihainim rait lo bilong junia na sinia tim na mekim klia seleksen we Nesenel Kosing Dairekta na Presiden bilong Basketbal Teknikol Komisin bihain long Bod i bin sainim.

Wankain seleksen rot bilong junia divelopmen i go long sinia tu i mas kamap klia na wankain.

Long tokaut klia em olsem ol dispela independen memba bilong ol Seleksen Panel em i no wanpela bod memba, kosa o tim menesmen na i no wok aninit long BFPNG.

Nick Daroa bai makim BFPNG long seleksen panel bilong ol trael wantaim ol kosa tim na independen memba. Sampela moa askim bai ol salim go long BFPNG Bod.

BFPNG bai statim program bilong 3x3 bung long olgeta hap bilong kantri.

Lukim facebook pes long kisim moa infomesen.