NAU em taim bilong PNG Gavman long patna wantaim olgeta kod bilong spot na lukluk long ol spot man na meri husat i karim plak bilong kantri long olgeta hap bilong wol,” Patron bilong PNG Volibal Federesen na Gavana bilong NCD Powes Parkop i tok.

“Mi laik serim tingting bilong mi wantaim Nesenel Gavman olsem, insait long dispela bikpela polisi bilong SME, sapos ol i ken lukluk tu long olgeta spot kod na pipel bikos long spot ol i save divelopim pasin na faundesen bilong kamap gutpela kwaliti sempien bilong kantri na tu kamap gutpela bisnis manmeri bihain taim,” Parkop i tok.

Em i tok dispela wok em i no save senis insait long wanpela nait tasol. Yumi ken bringim spot i go narapela mak na tu olgeta ausait senta tu i ken lukim na joinim spot.

“Mipela i ken yusim spot potfolio long draivim ol spot kos long yusim olsem pletfom long kisim Nesenel ansa,” em i tok.

Olsem na Gavman i mas wok bung wantaim olgeta spot kod na pipel wankain olsem SME.

Jacklyn Kimala i raitim