TIM PNG i redi long Tokyo Olimpik Gem long 2021, olsem na ol holim namba wan Olimpik Trening Kemp stat long 25 Oktoba na bai pinis long Mande 2 Novemba 2020 long Nesenel Spot Institut (NSI) long Goroka.

Dispela Olimpik Trening Kemp em bilong bungim olgeta Tim PNG etlit husat i bungim planti salens na painim hat long stap strong long Olimpik Gems. Ol holim dispela trening long redim olgeta long Tokyo Olimpik Gems long 2021.

COVID-19 pendemik i bin senisim spot kalenda bilong intenesenel na lokal spot wantaim long kalap long balus na go kam wantaim ol spot samting bilong trening. Dispela i bin fosim planti Tim PNG etlit long lusim trening na fitnes bilong ol.

Dispela Olimpik Trening Kemp em wanpela sans long bungim olgeta spot wok wantaim ol elit etlits na kosa husat i stap long PNG.

Dispela Olimpik Trening Kemp em kamap namba wan taim insait long kantri, astingting bilong en em long bungim planti spot grup long wanpela ples wantaim na tingting long givim ol pefomens program long ol elit kosa na etlit.

PNG Olimpik Komiti i bin holim Trening Kemp wantaim ol 30 etlit na kosa husat i stap insait long PNG bilong Etletiks, Boksen, Ragbi 7s, Seling, Shooting, Tebol Tenis, Tenis na weitlifting long kwalifai long Tokyo Olimpik Gems. Long Seiling em wanpela spot long painim tupela spot long Tim PNG insait long Men Laser na Meri Laser. Teariki Numa na Rose-Lee Numa em tupela etlits bai gat spot bihain long 2-pela i bin kisim namba tu Oceania kwata long Oceania Seiling Sempiensip long dispela yia.

Ol Etlit na kosa husat i stap ausait long PNG bai no inap kamap long kemp bikos long COVID-19 lo. Dispela ol spot em Etletiks, Swiming na Triathlon.

Dispela wan wik trening kemp bai karamapim spot trening, sampela edukesenel program bai ranim wantaim hetlain olsem anti-doping, kompetisen, etlit seifgad na mental skil, na medikol. Ol Medikol tim em Dokta Kapua Kapua na Dokta Ivan Ravu i bin lukautim ol wantaim Hai Pefomens Spot PNG.

Chef de Misin bilong Tim PNG long Tokyo Olimpik Gems, Tamzin Wardley i bin amamas long dispela trening kemp na em bai stap wantaim dispela tim long Goroka.

Bihainim ol trening kemp, dispela ol etlits bai pinisim namba tu raun fitnes tes bilong ol long Desemba 2020.

Dispela Olimpik Gems bai kamap long Tokyo, Japan stat long Julai 23 i go pinis long Ogas 8 2021.