Smather Construction & Logistics, kampani we i now wokim Gumine distrik edministresen opis mak bilong K2milien i givim nupela jesi long wanpela ples ragbi tim.

Bombex  ragbi tim bilong Dirima insait long Gumine, Simbu provins i gat bikpela amamas taim tim bilong ol i bin kisim 17 set jesi yunifom.

Bombex bai pilai prensip gem bilong ol wantaim Gateway tim bilong ol Dom werim nupela jesi bilong ol.

Bombex na Gateway i stat pilai long mun Julai na tinting long pinisim gem long Desemba. Man i makim Smather Construction & Logistics Michael Kuman i tok dispela donesen i ken kamapim ol rugbi pilaia, kamapim gutpela pren, na mekim ol yanpela man long soim gutpela pasin bilong pilai long haus lain mak.

“Smather Construction husait i patna long wok developmen insait long distrik mipela i laik soim wanbel wantaim ol komuniti long sapotim kampani long wok insait long distrik long wokim distrik opis. Mipela i laik givim distrik opis wantaim gutpela tinting na bel,” Kuman itok.

Bombex, em tim bilong Bomaigaulin klen. Ol lida bilong klen i tok bikpela amamas i go long Smather Construction & Logistic long givim nupela jesi long tim bilong ol.

 Ennio Kuble bilong WRight Media i raitim