POT Mosbi Ragbi Lig (PRL) kompetisen i bin stat long las wik bihain long COVID-19 lok daun.

Dispele kompetisen i save kamap long olgeta yia we i save bungim olgeta ki pilaia man na meri bilong olgeta hap bilong Pot Mosbi long resis wantaim.

Maski COVID-19 tasol PRL kompetisen i bin stat nomol wantaim strongpela COVID-19 protokol, dispela em i no asua bilong ol PRL menesmen tasol laip na helt bilong ol pipel em bikpela samting.

Planti tim i bin resista pinis long statim gem tasol sampela i no yet bikos ol i laik lusim na statim gem long neks yia.

Olgeta tim i bihainim protokol bilong COVID-19 na go insait long fil, long wan wan tim em 17-pela pilaia tasol i mas go insait na i no moa long dispela namba.

Planti olpela na nupela pilaia wantaim i laik pilai na resis long trening tasol sampela i kamap na sampela no gat.

Las tupela wiken kompetisen bilong PRL i bin ran orait wantaim COVID-19 protokol we i no bin gat sapota insait long fil inap gem pinis.

Jacklyn Kimala i raitim