MONI Plus NCDC Pom Vipers bai i go resis wantaim Kimbe Cutters long namba wan hom gem bilong ol Cutters long Humphreys Oval long Kimbe.

Dispela resis em raun 10 bilong Digicel Kap 2020 sisen we bai kamap kamap long Sarere Septemba 12, 2020 bihain long ol i bin kisim tok orait long holim namba wan hom gem bilong ol wantaim Vipers.

 Long wankain taim bilong raun 10 long John Ambane Oval Minj tu bai holim namba tu hom gem bilong ol we Wamp Nga Mt Hagen Eagles bai resis wantaim Bintangor Goroka Lahanis na long Kalabond fil lonf Kokopo em Agmark Rabaul Gurias bai holim namba tri hom gem bilong ol wantaim ol Gas Risos Sentral Dabaris.

 Olgeta dispela gem bai kamap long wankain taim long 2 klok apinun long Sarere Septemba 12, 2020.

 PNG Nesenel Ragbi Lig Kompetisen (PNGNRLC) Menesa Stanley Hondina i tok Vipers na Dabaris bai lusim Pot Mosbi na go long Kimbe na Kokopo long Fraide 11 Septemba, 2020.

“Long Sande 13 Septemba, 2020 long Lae Ragbi Lig Graun em wanpela gem tasol bai kamap namel long EPG Enga Mioks na PRK Mendi Muruks long 3 klok apinun.

Long wankain taim em Double Heda long Pot Mosbi Sir John Guise Stedium em PRK Gulf Isou vs JPG Waghi Tumbe long 1 klok apinun bihain em tupela top tim Lae Snax Tigers na Kroton Hela Wigmen long 3.15 klok apinun.

 DIGICEL Kap Raun 10 Dro:

Sarere Septemba 12, 2020 – Humphreys Oval, Kimbe

2.00pm Kimbe Cutters vs Moni Plus NCDC Pom Vipers

Sarere Septemba 12, 2020 – Kalabond Field, Kokopo

2.00pm Agmark Rabaul Gurias vs Gas Resources Ltd Central Dabaris

Sarere Septemba 12, 2020 – John Ambane Oval, Minj

2.00pm Wamp Nga Mt Hagen Eagles vs Bintangor Goroka Lahanis

Sande Septemba 13, 2020 – Lae Rugby League Ground

3.00pm EPG Enga Mioks vs PRK Mendi Muruks

Sande Septemba 13, 2020 – Sir John Guise Stadium, Port Moresby

1.00pm PRK Gulf Isou vs JPG Waghi Tumbes

3.15pm Lae Snax Tigers vs Kroton Hela Wigmen