WANPELA pilaia bilong volibal Lucy Monape i bin stori wantaim Wantok Niuspepa olsem, em i bin lainim volibal spot long taim em i bin resis long wanpela lokal kompetisen long ples Enga.

Em i no meri nating bihain long ol lokal tim bilong em i bin winim ol arapela tim long fainel.

“Mi save laikim tru volibal gem bikos em namba wan spot bilong mi olsem na nau mi amamas long joinim Takikins tim na resis long winim prais mani,” Lucy i tok.

“Maski san kukim mi tasol bikpela tingting bilong mi em long winim gem na go wantaim amamas long haus long wanem olgeta tim i gat wankain tingting,” em i tok.

“Mipela i amamas long resis wantaim we i bungim yumi olgeta Enga long pilai wantaim olsem wanpela famili,” em i tok.

Em i tok dispela i ken strongim skil bilong em long volibal bikos longpela taim em i no pilai.

“Mi laik kontrolim bal insait long kot bikos planti pilaia i no save yusim het long 3-pela man gem olsem na sapot i mas stap namel long tim yet long winim narapela tim,” em i tok.

Jacklyn Kimala i raitim