AGMARK Gurias i daunim Vipers long wanpela strongpela pilai long las wiken long Sir John Guise Stedium long Pot Mosbi.

Tupela tim wantaim i pilai strong tru long difens na atek bilong ol we i lukim skoa i stap klostu 14-10 long ful taim

Vipers i go pas long putim trai long namba tu hap bilong pilai na dispela wanpela trai bilong ol i mekim ol Gurias long strong difens bilong ol long no ken larim ol Vipers long kam skoa gen.

Gurias i krosim trai lain bilong Vipers tupela taim long bringim skoa bilong ol go antap wantaim gol kik na wanpela penelti long bringimskoa bilong ol 14 poin.

Vipers i kikim tripela penelti kik wantaim wanpela trai long bringim skoa i go 10 poin. Tupela tim i bin stap 10-10 poin long wanpela hap bilong pilai tasol ol boi bilong Admark i mekim wanpela gutpela pilai klostu long trai lain bilong Vipers we i putim kepten bilong Watson Boas i putim trai long rait han kona bilong Vipers. Dispela trai bilong em i mekim ol boi bilong em long strongim banis bilong ol.

Vipers i gat tupela sans long skoa tasol ol liklik fowad bilong Gurias i stopim ol long brukim banis bilong ol.

Gurias nau i sindaun long namba tri ples bihain tasol long Hela Wigmen. Wigmen i winim Central Dabaris long namba wan gem long Sir John Guise Stedium long tupela gem we i kamap long Pot Mosbi.

Nicky Bernard i raitim