MASKI COVID-19 lokdaun i bin pasim boksen kompetisen tasol ol boksen pilaia bilong dispela Oceania Fighting Promotion i pait strong wantaim COVID-19 long trening bilong ol.

Dispela em i no long tingting na plen bilong ol tasol namba tu lokdaun i bin bagarapim plen bilong ol long dispela yia kompetisen.

Edmin Opisa bilong Oceania Fight Promotion Irish Philip i bin tokim Wantok Niuspepa olsem, ol boksa i go het wantaim fitnes bilong ol na redi long bihain deit bilong boksen bai kamap. Na ol i bin bekim gutpela ansa olsem ol ful trening maski dispela taim bilong lokdaun.

“Mipela i no kisim tok orait leta yet long Nesenel Operesen Senta long tokaut long deit bilong boksen tasol mipela wet tasol long ansa bilong ol,” Irish i tok.

Em i tok dispela i no asua bilong ol tasol, ol i wet tasol long kisim tok orait bilong Nesnel Senta Operesen long statim kompetisen bilong ol.

Jacklyn Kimala i raitim