Oceania Fighting Promotion (OFP) profesenel boken bai stat long 31 Julai long neks wik Fraide long Crown Hotel long Pot Mosbi.

Dispela profesenel boksen kompetisen bai stat long 4 klok apinun na pinis long 9 klok nait.

Insait long dispela program ol bai bihainim protokol bilong COVID-19 bikos ol i bin kisim tok orait bilong David Manning kontrola bilong COVID-19.

Ol i askim husat i laik kam lukim dispela profesenel boksen long baim tiket long Visen Siti stua na tiket prais em Pre-sold K70, long geit em K100 na bilong ol kopret em K5000 long ring sait.

Bikpela taim bilong ol profesenel paita bilong PNG bai kamap long dispela nait we ol bai soim skil na talen bilong ol long dispela taim.

Ol lain husat bai boksen long dispela nait em Peter Oaike vs John Decklam,  Kauko Jr-Raka vs Thomas Kagili, Smoot Tiriva vs Nelson Kosipi, Mechael Iko vs Peter Rex, Innocent Cimmots vs Joe Magaiva, Johnson Kapus vs Xavier Mapai, Lui Magaiva vs Joe Kara, Peter Miria vs Tom Moga, Douglas Walo vs Andrew Aisanga.

“Mipela i gat COVID-19 protokol i stap long bihainim long dispela yia,” Irish Philip Edmin Opisa bilong Oceania Fighter Promiotion i tok.

“Mipela i bin bihainim rot bilong kisim setifiket long PNG Spot Faundesen Pendemik Kontrola Komiti Sif Ekseketiv opisa, Dokta Kapua, Kapua long holim dispela kompetisen bilong 100 pipel tasol na i no moa,” em i tok.

“Mipela i gat plen long holim pro boksen bung long pinis bilong olgeta mun long dispela yia. Mipela bai holim dispela bung long neks yia na long ol arapela yia bai kam long kamapim ol Wol Sempian long PNG”. Philip i tok.

Dipela em driman bilong Martin Beni husat i bin gat biknem long boksen insait long kantri.

Jacklyn Kimala i raitim