SP PNG Hunters, tim husat i makim kantri long Kwinslen Intrast Supa Kap long Australia i wok long painim gutpela lain long wok olsem Komesal Menesa na tu gutpela bilong Edukesen Menesa bilongtim.

 Sif Eksekutiv Opisa (CEO) bilong PNG Ragbi Futbal Lig Reatau ‘Rex’ Rau i bin putim notis long niuspepa bilong las wik long askim husat ol lain i gat bikpela laik long aplai long dispela tupela posisen.

Rau i tok olsem dispela tupela nupela posisen em bilong 2021 Kwinslen Intrust Super Kap sisen olsem na wan wan tim husat bai pilai long neks yia i mas mekim kamap long klab bilong ol.

Em i tok ol aplikesen i mas go long opis bilong em pastaim long Fraide, Julai 31, 2020.

Wok bilong Komesal Menesa wantaim SP PNG Hunters long neks yia em long painim ol nupela bisnis long kantri long sait long wokim nupela mani bilong tim wantaim tim menesmen. Moa long en tu dispela man i mas holim strong na wok klostu wantaim ol bisnis haus we i pas yet wantaim SP PNG Hunters. Dispela menesa i mas divelopim o kamapim ol komesal plen bilong tim na mekim gutpela wok long gutpela gavanens we i wok gut wantaim wokples helt na sefti.

Rau i tok ol i mas gat gutpela ekspiriens long bisnis divelopmen, maketing na stratejik plening, sels akaunt menesmen na komesal patnasip wok na i gat gutpela save long wok klostu wantaim komyuniti long local na nesenel level.

Em i tok dspela wok o posisen em bai givim ripot i go long PNGRFL na QRL.

Narapela nupela posisen we SP PNG Hunters i nidim ol gutpela lain long wok long en em Wellbeing na Edukesen Menesa. Dispela nupela wok bai karamapim hap bilong menesmen bilong welfea bilong ol Hunters pilaias, menesmen bilong ol edukesen program bilong ol pilaia na tu profesenel pilaia divelopmen.

James G. Kila i raitim

Em i tok gutpela man ol i laikim i mas gat save o kwalifikesen log sait long kaunseling o givim gut elaedvais, edukesin, yut wok o human risos divelopmen wok. Dispela man i mas gat gutpela pasin long toktok gut na givim edvais na save long toktok gut wantaim ol grup na yangpela pipel na ololpela long spots.

Rau i tok dispela tupela posisen i op nau long ol lain o man bilong PNG yet, na husat lain i gat bikpela laim long salim pas na CV bilong ol i go long email adresem” This email address is being protected from spambots. You need JavaScript enabled to view it..