FULBEK bilong Argmark  Rabaul Gurias Terry Wapi i bin putim 2-pela trai bihain long em i bin asua na lusim bal tupela taim long raun tu bilong Digicel Kap lona las wik Sande.

Dipela i bin mekim em amamas long apim fainel poin bilong Gurias i go antap long 38-2, winim PRK Gulf Isou.

Long namba wan hap bilong gem Isou go pas wantaim 2-0 poin, taso i no bin bekim 7-pela trai olgeta bilong Gurias.

Gurias i bin lokim ol tupela poin long namb tu hap bilong gem inap gem pinis dispela i daunim strong bilong Isou.

Ol 7-pela trai bilong Gurias i ran olsem wara bikos Isou painim hat long bekim olgeta trai inap taim pinis. Dispela i mekim Wapi long bekim asua bilong em wantaim tupela trai moa long apim poin bilong Gurias go antap.

Ol pilaia husat i bin putim trai em Eliakim Lukara (14), Lepan (30), Stanley Olo (14), Mika Kalu Peter (51) Gahuna Sailas (59) na Watson Boas i bin kikim eitpela gutpela na Allan Simbiri i bin helpim wantaim wanpela moa kik long bringim skoa i go antap.

Gurias i bin sampela pilaia husat i save pilai long ovasis, Kumuls na Hunters em Terry Wapi, Watson Boas, Wartovo Puara, ila Alu na Epel Kapinias, Olo na tu Lepan, Lukara, Sailas, olgeta i bin pilaia wantaim long winim gem.

Bihain long olgeta gem long raun 2 bilong 2020 Digicel Kap, tabol bilong kompetisen em Lae Snax Tigers 4, Gurias 4, Muruks 4, Wigmen 4, Vipers 3, Mioks 2, Cutters 2, Dabaris 2, Lahanis 0, Isou 0.

Olgeta tim i redi gen long dispela wiken gem resis long wankain taim.

Jacklyn Kimala i raitim