OK redi bilong bikpela bung bilong Ivengelikol Luteran Sios bilong Papua Niugini (ELCPNG) namba 33 sinot we bai kamap long Sir John Guise Stedium long Pot Mosbi long 9 i go long 15 Janueri, 2022 bai go het yet.

Siaman bilong Ogenaising Komiti, Sumasy Sigin i tok ol bai bihainim Nupela Pasin bilong coronavirus (COVID-19) na holim dispela kibung. Em i mekim dispela tok long las wik bihain long planti toktok i kamap long pasim dispela sinot kibung. “ELC sinot kibung bai go het yet,” Sigin i tok. “I nogat wanpela samting bai pasim mipela long holim dispela bung. “Yumi bai bihainim COVID-19 lo na holim dispela bung.” Sigin i strongim tingting bilong ol manmeri long no ken gat tupela tupela tingting. Vais Siaman bilong Sinot Kingston Alu i tok mameri i mas bilip long Jisas long helpim ol long stap gut. “Wok redi bilong kamapim Sinot bai go het olsem redim ol song, singsing, musik na stretim ripot bilong ol 17 distrik bilong ELC-PNG bai go het,” Alu i tok. “Long nau yet olgeta bung lotu bilong sios i stop tasol i mas i gat ol famili lo tu na holim felosip long wan wan haus na pre long JisasKraist long helpimolgetapipel”. Emitokwanpela rot tasolem long bilip long Jisas Krais i was na strongim ol. ELC-PNG Sinot Seaman Sumasy Singin i strongim toktok bilongVais Seaman na i tok wok bilong kamapim sinot bai go het olsem yumi mas beten strong long God i ken helpim yumi. Em i tok nau yet sinot i nogat mani tasol God tasol bai inap mekim dispela sinot i kamap long de yumi makim. Olgeta de God bilong sori save helpim sios bilong em long taim bilong hevi olsem na mipela bilip olsem wok bai kamap. Em i mekim dispela tok tok taim Papua Distrik ekseketiv Sinot Kaunsil na sampela memba bilong sios i witnesim ol Nares Enjiniaring Limited (NEL) diairekta igivim K20, 000 sek long bilong helpim sinot. Ol dairekta na ona bilong NEL em ol memba bilong Redeemer Kongrigesen insait long Mosbi Not Ist Seket bilong Papua Distrik. Sumasy i askim long moa donesen bikos long hostim sinot long Pot Mosbi i nidim moa mani na komiti i ting dispela wok bilong  helpimtu bai inap karim kaikai. “Planti kain kain toktok i wok long kamap tasol mi bilip i not wanpela samting bai pasim mipela,” em i tok.

Joseph Dawai i raitim