WANPELA 3-de konprens bilong ol Asosiesen bilong Melanesian Formators i bin kamap long Kefamo Katolik Misin long Goroka, Isten Hailans Provins long 27-29 Septemba.

Dispela Asosiesen i wok aninit wantaim Federation of Religious (FOR) wantaim ol 85 institut bilong Consecrated Life na sevim ol pipel insait long Papua Niugini na Solomon Ailan. Ol i helpim ol pipel long spiritual fomesen, ol paris ministri, ol seminari, ol komyuniti divelopmen sevis, helt na edukesen statim long early childhood i go inap long teseri edukesen. Melanesian Formators asosiesen i gat ol Katolik bilip man na meri husat i risponsibel long rilijus fomesen na human divelopmen na lukautim ol yangpela Melanesian yut husat i laik long bihainim sios na komyuniti insait long ol Katolik Institut na Consecrated Life. Astingting bilong dispela bung i kamap long mekim klia ol rilijus fomesen progrem na hau long rispon long nid bilong sios na komyuniti insait long Melenesia. Siaman bilong dispela asosiesen, Pater Gregory Ruaman MCS, i toktok strong long impotens bilong bungim ol veliu bilong Melanesia wantaim rilijus fomesen program na andastanim kalsarel bekgraun bilong ol rilijus fomesen kendidet na serim gutpela pasin insait long Kristen bilip. Wankain tu olsem no ken sasim o skelim man na meri na kamap witnes insait long bilip long olgeta de. Asbisop Rochus Tatamai MCS, Sister Margaret Maladede FMI, wantaim ol wokmanmeri long Melanesian Institut i bin ranim dispela konprens bilong Melanesian Formation bilong ol rilijus fomesen tim. Ol rilijus fomesen grup long Solomon Ailan i no bin inap kam long dispela konprens bikos long