WOK i stat pinis long senisim wanpela olpela haus lotu long ples Ono long Usino LLG long Madang provins. Dispela haus lotu em ol lokal Kristen manmeri bilong Nasarin Sios long Ono i save kolim em ‘bubumeri’.

Ol i givim dispela nem bikos em namba wan haus lotu ol Amerika misinari mekim. Wanpela longtaim bilimman bilong sios na Presiden bilong Usino Lokal Level Gavman, Peiwa Aimai i tok dispela

haus lotu em ol i wokim long yia 1992. Em i tok sios i go stap long eria em nogat narapela Kristen sios i bin stap long em. Tude ol Kristen lain manmeri husat i save lotu long Ono Nasarin Sios i tokaut olsem ol mama sios olsem Katolik na Luteran Sios i go long ol arapela eria tasol i no long dispela hap. Ol lain wait misinari i no pret long dispela ples ol i kolim Begesin na i go wokim haus lotu. Ol misinari i stap long hap na skulim ol skul pikininini long tok bilong

God Papa. Aimai i tok em i wanpela long ol namba wan man husat i tainim bel na joinim dispela sios. Long las mun Ono Nazarin Sios kongrigesen i wanbel olsem ol i mas kamapim nupela haus lotu na senisim olpela haus lotu em ol misinari i mekim. Long amamasim dispela de, ol Kristen manmeri long Ono i wokim mumu kaikai na kilim pik na serim namel long ol yet na ol arapela husat i go long dispela bung.

James G. Kila i raitim