IVANJELIKAL  Lutheran Church of Papua New Guinea (ELCPNG) insait long Papua Distrik i tokaut long bena ol i bai yusim long 33 nesenAl sinot bilong we bai kamap long Pot Mosbi long Jenuari 9 i go inap long 15 Jenuari 2022.

Dispela program i kamap long wiken na ol distrik opisal na wantaim lain husat i go pas long sinot i go long dispela bung.

Keteka Presiden bilong Papua Distrik Reveren Nathan Danmark i rausim olpela bena na i tokaut long nupela bena ol i bin mekim long en. Em i tok dispela i soim wok bung wantaim ol Kristen manmeri bilong kamapim dispela bikepela bung.

Olpela bena i no soim ol 6-pela provins na ol kongrigesen bilong ol. Siaman bilong Sinot Komiti Sumasy Singin i tok het tok bilong dispela bung i stap long buk Baibel insait long Josua 24:15b “ As for me and my house we will serve the Lord.”

Mak bilong 800-1000 lain bai i kam long dispela bung Siaman Singin i tok. Mipela bai i bihainim nupela pasin tu long aBrusim COVID-19.

Em i tok moa ol i mekim ol wok bilong bungim mani long kamapim dispela sinot. Mipela i askim ol bisnis haus na ol Kristen lain long helpim mipela long kamapim dispela sinot.

Dispela bung bai nidim mani mak olsem K900 000 i go long K1.5 milen. Dispela mani i bilong lukautim ol lain husat i bai kam long dispela bung long sait bilong kaikai na ol haus ol bai slip lon en Siaman Singin i tok.