INSAIT long wanpela bikpela Odinesen Misa we planti aiwara bilong amamas i pundaun Kundiawa Katolik Daiosis i welkamim nupela bisop bilong ol long Sarere Julai 3, 2021.

Bisop Paul Sindu em i no nupela long Simbu Provins. Em i mekim wok pater long Provins long sampela yia pinis na stat bilong dispela yia Pop Francis i makim em long kamap bisop bilong Kundiawa.

Las peris Bisop Paul Sindu i bin wok olsem pater em Koge long Simbu.

Long makim amamas bilong ol long pikinini man bilong ol i kamap bisop ol Simbu I soim stail bilong ol tru. Olgeta peris i kam wantaim kaikai na bilas na singsing na stap long dispela Misa we I kamap long St Mary’s Katolik Sios long Kundiawa taun.

Planti bisop na pris tu i bin stap long dispela seremoni. Namel long ol wanpela memba bilong palamen Paias Wingti.

Bikpela namba bilong ol Simbu em ol katolik. Bisop Paul em i namba tu asples bisop bilong Simbu bihain long bisop Anton Bal husat i bihainim singaut bilong sios long kamap asbisop bilong Madang.