WANPELA semina long Laip Rilesensip bai kamap long “Shrine of Mary Help of Christians” long Taurama Rot, NCD long Sarere 19 Jun.

Het tok bilong semina em, “Life Matters” (Laip em i bikpela samting).

Pater Ambrose Pereira, bilong Salesian misineri grup (SDB), i tok dispela ol semina i kamap long skulim ol manmeri, na ol yangpela long rot bilong mekim ol bikpela disisen long laip bilong ol.

Ol disisen bilong go long skul na kisim save, long stap helti, bilong bungim gutpela poroman na marit na bilong stap long stretpela laip.

Pater Ambrose i tok bai ol i toktok long ol sakramen na bilip, lainim ol singsing bilong lotu na preis, mekim ol askim na serim bilip, adoresen na konpesio.

Semina bai pinis wantaim lotu.

Em i askim ol yangpela long kamap na stap insait long dispela semina.

Long kamap long semina, wanpela man o meri i ken rejista long K2 na karim wanpela buk na pen bilong rait.

Long kisim moa toksave yu ken ringim Pater Ambrose Pereira long mobail telepon namba #7296 5235, Sista Alice Fulgencio, FMA long mobail telepon namba 7982 2459.