DARU Kiunga Daiosis long Westen Provins i gat nupela bisop.

Dispela em Pater Joseph Tarife Durere, SVD.
Em i gat 52 krismas na i bilong kantri Filipins.
Joseph i kamap pater long 1995 Disemba.
Long 1996 ol i salim em i kam long Papua Niugini.
Em i bin wok olsem asisten peris pater long Holi Triniti Peris long Bogia long dispela yia yet.
Long 1998 em i bin stap wok yet olsem asisten peris pater long St Francis Xavier peris long
Megiar.
Long 1999 ol i bin makim em olsem peris pater bilong St Terese of the Child Jesus long
Uligan Peris inap long 2002.
Long 2002 i go long 2009 em i bin stap pater bilong St Pauls peris long Mirap.
Long 2009 i go long 2010 em i bin stap Daiosisen Vokesen Dairekta bilong Madang
Asdaiosis na i bin stap long Yomba peris.
Long 2010 i go long 2017 em i bin stap peris pater bilong Our Lady of Perpetual Help peris
long Yomba.
Long dispela taim em i bin wok tu olsem din o pater i lukautim wanpela grup bilong ol peris
insait long Madang Daiosis.
Em i wok tu olsem superia bilong ol SVD brude na pater long dispela taim tu.
Arere long dispela ol wok em i bin wok tu olsem vika jeneral bilong Madang Asdaiosis.
Long 2018 em i wok olsem peris pater bilong Holi Spirit peris long Madang na i kamap
memba bilong SVD Provinsal Kaunsil tu.
Em i mekim dispela wok inap long las Sande we Pop Francis i tokaut long em olsem bisop
bilong Daru Kiunga Daiosis.