WANPELA Papua Niugini man husat i joinim ol Marianhill misineri i bin kisim odinesen long kamap pater long kantri Zambia long Afrika long las wik.

Dispela man em Alois Gende na em i bilong Simbu.

Pater Alois i namel long tripela diakon bilong Afrika husat i kisim odinesen long kamap pater.

Dispela pepa i traim long kisim moa toktok long kamap na stap bilong Pater Alois long ol Marianhill misineri long Lae Daiosis, Morobe tasol i no bin inap long kisim long taim em i go long prin.

Tasol i gat save olsem i no gat wanpela Marianhill Koles long Katolik Tiolojikal Koles, Bomana, ausait long Pot Mosbi na dispela i mas mekim Alois i go olgeta long Zambia long skul pater aninit long ol Marianhill misineri.

Pater Alois i kisim odinesen bilong em long St Margaret Peris long Mungwi Provins.

Bihain long odinesen, em bai wok long St Henry Peris long Asdaiosis biong Kasama long Zambia yet.