PAPUA Niugini na Solomon Ailan i gat nupela Apostolik Nunsio.

Dispela em Reveren Fermin Emilio Sosa Rodriguez na em bilong kantri Mexico.

Pop Francis i makim em long pinis bilong las mun bihain long pastaim Apostolik Nunsio, Kurian Mathew Vayalunkal i lusim sia na go long Algeria (Afrika) long pinis bilong Februeri.

Reveren Fermin i gat Digrik long Canon (Sios) Lo na em i joinim grup bilong makim Vatican long ol arapela kantri stat long 2003.

Long 2003 i go long 2007, em i bin wok long opis bilong Apostolik Nunsio i stap long Papua Niugini, Cote d’Ivoire (2007), Burkine Faso (2008-2012), Amerika (2016) na Kenada (2019-2021).

Em i tok em i no nupela long PNG bikos em i bin stap wok pinis long kantri 2003 i go long 2007.

Em i save long tripela tok ples; English, French na Itali.