“Nogut yupela i giamanim yupela yet na yupela i ting yupela inap long trikim God. Yupela bai i no inap tru. Yu kaikai, em dispela kaikai tasol bai kamap long  gaden bilong yu,” (Galesia 6:7).

Wanpela i bin go long wanpela misin skul na bihain em i go long haiskul. Olgeta stadi bilong em i go gut na em i go moa long yunivesiti.

Long holide em i go bek long ples bilong en na i tokim famili bilong em olsem,” Sapos bihain mi kisim bikpela save na kamap bikman na kamap memba bilong palamen, orait mi bai rausim olgeta misin long kantri bilong yumi.”

Long wanpela Sande, wanpela pasto i laik mekim lotu long dispela ples.

Dispela yangpela man i kirap na mekim tok nogut long em na i tok, “Yu nogat save, na yu laik kam skulim mipela long wanem samting. Mio bin go long planti skul pnis na save bilong mi i winim save bilong yu. Mi save pinis olsem i nogat wanpela God i stap.”

Pasto i no bekim wanpela tok na em i go insait long haus lotu.

Pastaim em i pre na bihain em i autim Tok bilong God olsem oltaim em i save mekim.

I no longtaim na dispela yangpela man i laik go bek long skul bilong em.

Em i kalap long wanpela kar na i go long rot na long rot em i bungim birua. Kar i bamim wanpela bikpela trak i pulap long bensim na tupela kar wantaim em paia i kamap na kukim.

Dispela yangpela man husat i bin tok i nogat God na husat i bin tok nogut long wokman bilong God, i stap em paia i kamap na kukim em wantaim.

Yes, yumi i no inap trikim God.

Em i no laik givim biknem long ol arapela. Nogat.

Long Asaia 48:11 God i tok, “Mi ting long biknem bilong mi yet na mi bin mekim dispela pasin long yupela. Mi no laik bai ol man i daunim na rabisim nem bilong mi na givim biknem long ol arapela. Nogat. Ol i mas givim biknem long mi wanpela tasol.”