“Harim, mi givim pinis strong long yupela na yupela bai inap krungutim ol snek na ol
binatang bilong bagarapim man na yupela inap winim olgeta strong bilong satan,

dispela
birua bilong yupela. Na bai i no gat wanpela samting em inap long bagarapim yupela,” (Luk
10:19).
Wanpela papa wantaim pikinini meri bilong em i laik i go lukim sampela man long narapela
ples.
Liklik meri nem bilong em Frida na em i gat foapela krismas. Papa i kisim em i go wantaim
em.
Frida i holim strong han bilong papa na tupela i wokabaut i go. Tupela i kamap long wanpela
haus we wanpela bikpela dok i stap.
Dok i harim ol i wokabaut i go na wantu dok i kirap na singaut bikmaus nogut tru.
Papa i lukluk long liklik Frida. Tasol i no luk olsem Frida i pret liklik. Em i toktok olsem i
nogat wanpela hevi i stap na em i wokabaut na i no wari long singaut bilong dok.
Nau papa i askim, “Frida, yu no pret long dispela bikpela dok ha?”
Frida i lap na i bekim, “Nogat. Dok i stap long sen. Na mi holim strong han bilong yu, papa.
Dispela dok bai i no inap mekim nogut long mi.”
Planti taim satan i pretim yumi na i singaut strong bilong kaikai yumi olsem buk Baibel i
tok,” Yupela i mas stap redi na was gut. Satan em dispela birua bilong yupela, em i olsem
wanpela laion i singaut strong. Oltaim em i save raun bilong painim ol manmeri bilong
kaikai,” 1 Pita 5:8.
Satan oltaim i laik giamanim yumi na mekim nogut long yumi. Tasol yumi i no ken pret.
Yumi laik holim strong han bilong Papa God, bai satan i no inap long daunim yumi olsem
Baibel i tok.
“Bikpela i save mekim pasin i tru. Olsem na yumi inap long bilip tru long em. Em i strongim
yupela na lukautim yupela na satan bai i no inap mekim wanpela samting long yupela,” 2
Tesolonika 3:3.
Oltaim yumi laik tenkyu long wok Jisas i mekim long diwai kros.
Em i winim satan pinis. Long dispela as aposel Jon i bin raitim pas na i tok, “Yumi save,
olgeta man i stap pikinini bilong God, ol i no save bihainim pasin bilong sin. Nogat. God i
save lukautim manmeri i stap pikinini bilong em, na satan i no inap putim han long em.”