OPIS bilong pikinini na opis bilong yut aninit long Dipatmen bilong Komyuniti Divelopmen na
Rilijen (DCDR) i amamas long nupela bosman bilong ol, Ekting Seketeri bilong DCDR Jerry
Ubase.

Dairekta Jeneral bilong Nesenel Yut Divelopmen Atoriti (NYDA) Joe Itaki i tok amamas na
soim sapot long Mista Ubase.
“Makim maus bilong NYDA, mipela bai stap baksait na sapotim Mista Ubase long karimaut ol
wok bilong mipela long kamapim ol Distrik Komyuniti Divelopmen Senta long kantri,” Mista
Itaki i tok.
Dairekta bilong Opis bilong pikinini na famili sevis Simon Yanis tu i amamas long Mista
Ubase.
“Yu (Ubase) bin yangpela yet taim yu kam wok long dipatmen na nau yu kisim sia bilong
Seketeri, mi amamas long yu na mi bai amamas tu long wok wantaim yu,” Mista Yanis i tok.
Em i tok dipatmen bilong DCDR em i olsem haus na famili na ol i bai wokbung wantaim na
karim ol sevis bilong ol famili i go daun long komyuniti level.

Rebecca Negere i raitim