Wanpela sios pasto i tok lukaut long ol pipel long no ken bagarapim sios propeti.

Evangelical Church bilong Papua Niugini (ECPNG) sinia Pasto Madula Damela i mekim dispela toktok long taim sampela yangpela man i dring hombru bia na spak na tromoi ston long haus lotu.

Pasto Modula i tokim ol manmeri long Gorobe setelmen long Badili olsem em i bin tok long rausim sios bilding na kisim i go daun long Koki tasol ol papagraun i tok sapos yu kisim sios i go bai yupela i rausim setelmen wantaim olsem na mi lusim sios i stap.

ECPNG i bin kamap pastaim long Gogodala, Middle Fly distrik bilong Westen provins na ol tumbuna bilong ol i kisim gutnius i go antap long ol maunten bilong Hailans. Olsem na taim ol Tari i harim olsem ol i wok long bagarapim sios long hap, ol i salim tok i go long kam lukautim sios long Badili tasol sampela Kristen memba i tok long stretim dispela hevi.

Olsem na Pasto Modula i tok strong moa long ol pipel i no ken bagarapim sios.

Joseph Dawai i raitim