REFOMESEN 503 yia bilong Lutheran World Federation (LWF) i amamas long lukim sampela gutpela senis long wok na bilip.

Long Sarere 31 Oktoba, 2020, ol Kristen memba bilong Luteran Sios Busu peris long Lae, Morobe Provins i amamas na opim nupela haus bilong pasto na nupela haus lotu bilong ol.

Dispela em bihain long olpela haus lotu na haus pasto em tait bilong Busu wara i karim i go long Februeri long stat bilong dispela yia.

Tasol wantaim bilip na sapot komyuniti nau i gat nupela haus pasto na haus lotu.

Pasto Kebusing Ziram wantaim famili i go long nupela haus pasto long las wik.

Nupela haus lotu na haus bilong pasto em peris i sanapim insait long 2-pela mun tasol.

ELC-PNG Lae Siti Seket Presiden, Reveren Baafeckec Bamiringnuc, i bin opim dispela nupela haus pasto na haus lotu.

Pasto na ol bilip manmeri i singim “A Mighty Fortress Is Our God," song long givim luksave olsem olgeta strong i kam long God Papa wanpela tasol.

“Dispela i soim bilip yupela i gat.

“Yupela laik tok bilong God i mas stap na go aut long komyuniti.”

Em i ritim Matyu 7:24-27 long autim Tok bilong God.

“Long God olgeta samting i kamap na long God yet olgeta samting pinis.

“Yupela i bin sanap strong taim wara Busu i rausim haus lotu na haus pasto.

“Dispela i soim piksa bilong bilip bilong yupela.”

Ol hetman bilong wan wan peris insait long Lae siti seket i kam long witnesim opim bilong haus lotu na haus pasto.

Sanang Zazoring i raitim