BISOP na pastaim het bilong Anglikan sios long Papua Niugini, Asbisop Allan Migi i dai.

Em i dai long las wik long ples bilong em long Gasmata, Kandrien Gloucester long Wes Nu Briten provins bihain long em i bin sik sampela taim.

Em i bin wok long het opis long Lae, Morobe Provins taim em i risain na lusim wok long las yia na go bek long ples bilong em.

Anglikan sios long Papua Niugini i tok sori long dai bilong Bisop Migi.

Bisop Migi i wanpela gutpela poroman bilong Australia Anglikan sios na sios i salim sori bilong em tu long famili bilong Migi.

Het bilong bilong Aglikan sios long Australia, Reveren Geoffrey Smith i tok, “Mi givim tenkyu long God long Bisop Allan Migi, husat mi save long em long las 30 yia.

“Em i wanpela man husat i gat bikpela strong na pasin bilong givim sevis long Bikpela wantaim lewa bilong em.

Anglikan Bisop Ekseketiv Dairekta, Reveren John Deane i tok Asbisop Allan i wanpela daunpasin man, husat i wanpela strongpela wokman bilong Bikpela na i wok strong long autim tok bilong Bikpela long wok bilong em.

“Mipela i tok tenkyu long Bikpela long kamapim kain man insait long sios,” em i tok.

“Mipela i tok tenkyu tu long gutpela wok poroman pasin mipela i gat wantaim Bisop Migi.”