“Ol meri em ol fiutsa bilong ol ogenaisesen. Mipela i no inap long mekim gutpela wok na i go kamap bikpela sapos ol wanwok meri bilong mipela i no stap,” Mista Manning i tok.

Em i tok, pastaim em i save wok long Spesel Sevis Divisen na em i no save skelim ol wanwok bilong en long ples ol i kam long en o long seksen ol i wok long en sapos ol i man o meri. Em i tok RPNGC em i wanpela ogenaisesen tasol ol wok aninit long en na yunifom ol i werim i save mekim ol i kamap wanpela.