Nesenel Yut Divelopmen Atoriti (NYDA) i tok ol bai bihainim polisi bilong gavmen long divelopim ol yut insait long kantri.

NYDA Dairekta Jeneral Joe Itake i tok ol yut inap kamap gutpela sitijen sapos i gat ol gutpela lida long helpim ol long wok bung wantaim long divelopim dispela kantri.

Planti ol manmeri i save ting olsem ol yut i save mekim planti hevi insait long komyuniti na sosaiti tasol kantri i nidim ol long sapotim wok divelopmen bilong nesen.

“Mipela i laik helpim ol yut wantaim risos bikos ol em lida bilong kantri long bihain taim yumi lapun na lusim wok lidasip long ol,” Itake i tok.

Nesenel Yut Dairekta Jeneral i tok pastaim PNG i bungim planti hevi bikos i no bin i gat wok bung wantaim bilong ol lida na yut i kam inap nau, tasol nau helpim i ken kamap. I no longtaim i go pinis NYDA i bin Wantaim rivaisim Nesenel Yut Polisi 2020-2030 na NEC i bin apruvim pinis. Dispela i givim sans long sapotim wok bilong ol yangpela.

“Yut em i kros-kating isu we wanpela sekta tasol bai i no inap adresim, yumi olgeta i mas wok olsem tim long bringim yut ajenda na ol ektiviti i kamap tru.

“Riviu bilong Nesenel Yut Divelopmen polisi 2020-2030 i ken helpim na karim aut olgeta yut program long olgeta sekta,” Itake i tok.

Joseph Dawai i raitim