OL KRISTEN sios long Papua Niugini i tok egensim pasin bilong bagarapim laip long toktok bilong Sanguma.

Long ol rot ol i luksave ol i lonsim wanpela strateji buk long yusim na sapotim gavman long daunim ol toktok na pasin nogut i pas long dispela long dispela pasin nogut.

Dispela strateji i tok long kain mekimsave ol lain husat i save sutim tok long narapela na bagarapim laip bilong ol i mas kisim long em.

Dispela strateji buk nau ol i wok long yusim long wok isi long ol komyuniti long daunim ol hevi i pas long tok bilong sanguma.

Presiden bilong PNG Sios Kaunsil, Pasto Roger Jospeh i tok dispela strateji i kamap na bai stap olsem rot bilong sios i ken bihainim.

Ol sios husat i sainim dispela strateji em Katolik, Luteran, Anglikan, Yunaitet, “Body of Christ” grup, Ivanjelikal Alaiens, Salvesen Ami, Baptis, Seven De Edventis (SDA), Nazarin na Gutnius Luteran.

“Ol sios i bungi wantaim long luksave na kamapim ol rot kantri bilong yumi i ken gat gutpela sindaun na i no pas long kain kain hevi olsem toktok bilong sanguma,” Pasto Joseph i tok.

“Wantaim grasia bilong God, mipela olgeta i ken painim gutpela laik bilong God, bel isi na gutpela sindaun.

“Laik bilong man long God papa, pikinini na Holi Spirit i bikpela samting.”

“Komyuniti bilong yumi i mas i gat bel isi bilong God i stap namel long ol na wok ol i mekim.

“Wok bilong ol sios i bilong soim laik bilong God long olgeta lain manmeri.”

Pasto Joseph Roger