Dokta Pamela Toliman i kisim Dokta bilong Filosofi o PHD bilong en long wokpainim aut bilong en long Kirby Institut long Yunivesiti bilong New South Wales long Australia.

Wok painim bilong en i lukluk long rot bilong sekim na luksave long sik kensa long bel bilong ol mama long Papua Niugini.

Em i kisim PHD bilong en long 4 Ogas 2020. Na long 2016 em i bin kisim Prais bilong Allison Sudradjat long luksave long ol gutpela wok bilong en na olsem lida bilong bihain taim. Pamela i gat bikpela laik long pablik helt na i laik apim development.