POT Mosbi Katolik Asdaiosis bai i no inap holim ol lotu bilong givim sampela sakramen long dispela yia, Sir John Kardinal Ribat, Asbisop bilong Pot Mosbi Asdaiosis i tok.

Em i tok dispela long bihainim oda Kontrola bilong PNG coronavirus (COVID-19) Nesenel Pandemik Rispons David Manning i givim long dispela wik.

Kardinal Ribat i givim aut dispela instraksen long olgeta pater na sios lida bilong sios long las Sande.

Ol Sakramen bilong Baptais, Komyunion and Konfemesen.

“Namba bilong ol manmeri husat i gat COVID-19 i wok long go antap long Mosbi.”

“Yumi i mas was na bihainim olgeta toksave em gavman i givim long abrusim dispela sik.

“Kontrola i givim toksave olsem long Tunde olgeta manmeri i mas putim mask long pes,” em i tok.

“Dispela i kisim tu bung bilong yumi long sios. Yumi i mas putim pes mask taim yumi i kam lotu.

“Long lotu tu yumi bai putim ol mask na kam lotu. Na namba bilong ol pipel i no ken abrusim 100.

“Dispela i tokim yumi tu olsem long Sande, ol peris i ken makim planti taim long holim moa namba bilong Sande lotu. Dispela bai abrusim namba bilong ol lotu ol i save holim long wan wan Sande.

Long Gutnius bilong (las) Sande we i tok long pasin bilong pogivim (Metyu 13: 24-33).

“Jisas i givim yumi ol presen long pogiv olsem yumi i mas pogivim ol arapela lain i mekim rong long yumi.

“God bai helpim yumi taim yumi mekim wok long helpim yumi yet pastaim.”