MAF i tok tenkyu long ol pren, ol famili na ol patna bilong en long stap isi na wetim ol taim i stap long salens bilong COVID-19.

Long wankain taim ol i bin wok hat tu long lukluk bek long ol hevi ol i bin bungim i no long taim i go na tu stretim ol seifti praktis bilong ol.

Planti ples balus i bagarap pinis na dispela i mekim na MAF i no inap go long ol dispela ples. Tasol ol tim bilong MAF i givim planti taim long go na seveim gen ol ples balus ya we ol i save ran long en.

Long dispela taim tu ol i pinisim wanpela wok bilong skelim ol wok painimaut ol bin mekim long luksave long ol hevi i save kam olsem wanem. Dispela wok skelim em bilong helpim MAF long mekim disisen long sapos ol i mas go het long ran i go long dispela ol ples balus o nogat.

 Bihainim olgeta dispela wok MAF bai i toksave long wanem ol wok ol komyuniti i mas mekim long helpim long stretim ol ples balus na mekim em i kamap long mak we balus inap pundaun gut long en. Ol ples balus mas inapim intanesenel stendet bilong MAF.

 Long olgeta ples balus em i wok bilong ol komyuniti long lukautim gut ples balus. Ol pipel i mas katim gras na rausim ol diwai na ol samting i sanap o silip long rot bilong balus i ran. Ol pik tu i save brukim graun na bagarapim ples balus olsem na i gutpela long sekim na rausim ol pik long ples balus.

 Stat long Julai 1, bihain long em i pinisim ol wok sevei bilong en, MAF bai i mekim ol ran bilong en i go long sampela ples balus we em i ting i orait long go long en. Taim em i mekim ol ran bilong en, em bai i bihainim ol lo bilong COVID-19 we gavman bilong PNG i putim pinis. Dispela i min ol lo bilong sosel distens, pasindia i mas putim pesmask na MAF bai i sekim tu skin hat bilong pasindia. Long taim bilong kalap long balus i gat ol pepa we ol wokmanmeri bilong MAF bai i givim na pasindia i mas raitim o bekim olgeta askim i stap long pepa.

 Long lista hia em ol ples balus MAF i sekim na seveim pinis na i orait long ol balus long pundaun long en. Aiyura, Balimo, Chimbu, Daru, Finschhafen, Fuma, Goroka, Hesalibi, Kairik, Kawito, Kiunga, Kompiam, Lumi, Madang, Malamaunda, Morehead, Mougulu, Mount Hagen, Nadzab, Nomad River, Port Moresby, Suabi, Tabubil Tadji, Telefomin, Vanimo, Wabo na Wewak

 Long dispela lista em ol ples balus we MAF i mekim wok sevei pinis na i wok long mekim wok bilong skelim nau sapos em i orait long ol balus i go long dispela ol ples balus. Ambunit

Andakombe, Guwasa, Haia, Karimui, Kol, Manu, Marawaka, Norambi, Ok Isai, Owena, Pyarulama, Samban, Simbai, Simogu, Sindeni, Tekin, Tsendiap, Yagiap, Yambaitok na Yenkisa. MAF i no makim yet wanem taim dispela ol ples balus bai i op gen.

Ol ples balus we MAF i no mekim wok sevei yet na tu ol i no makim taim yet long statim wok sevei em; Ali, Anguganak, April River, Arufi, Blackwara, Bosavi, Debepari, Dodomona, Eleme, Eliptamin, Green River, Hauna, Hayfield, Honinabi, Huya, Kapal, Kiriwo, Kondobal, Lake Campbell, Maramuni, Miyanmin, Moropote, Muluma, Munbil, Nungwaia, Nuku, Oksapmin, Rumginae, Sangera, Sibilanga, Sisamin, Suki, Upiara, Walagu, Wanikipa, Wasua, Wawoi Falls, Wuvulu, Yapsie na Yatoam.

 Sapos yu gat askim bilong COVID-19 o yu laik sekim ol ran bilong MAF yu ken salim email i go long This email address is being protected from spambots. You need JavaScript enabled to view it..