Stat long 1951 ol pailot bilong MAF long PNG i save karim ol Baibel i go long ol rurel misin stesin na ol komyuniti. Dispela wok em i kam long askim bilong ol misinari patna bilong MAF.

Tasol bihain long wok operesen bilong MAF i senis i go kamap nesenel na ol sios i sot long mani long kisim ol bikpela oda bilong Baibel na bikpela sot bilong Baibel i kamap long ol rurel ples.

MAF i traim long helpim long bringim ol Baibel na ol arapela Kristen risos i go long ol pipel long ol rurel ples. Long mekim dispela ol i save karim wanpela “Baibel Bokis” long klostu olgeta balus ran bilong ol.

Hevi bilong wan wan bilong ol dispela Baibel Bokis em klostu 10 kilo.

Ol pailot i save kisim ol dispela Buk Baibel na ol odio Baibel na ol arapela risos long MAF Teknoloji Sevis PNG. Planti i save long dispela sevis olsem CRMF.

Ol pailot i save salim ol Baibel na ol arapela risos long ol pipel long rurel ples long liklik prais tasol.

MAF i save na i bilip olsem ol pipel i save lukautim ol samting ol yet i baim long mani olsem na ol i salim Baibel na ol pipel bai i lukautim gut.

MAF i no save sasim kost bilong karim ol Baibel.