Nesenel Trening Kaunsil (NTC) husat i save go pas long rejista ol praivet trening insitusen na givim akreditsen long ol program bai muv i go aninit long Dipatmen bilong Haia Edukesen Rises na Saiens Teknoloji (DHERST).

UPNG Sumatin Martha Mora Bokowi i raitim

DHERST wantaim NTC i toksave olsem dispela senis bai i mekim wok i isi long haia edukesen sekta. Dispela senis em i hap bilong haia edukesen rifom bilong Nesenel Gavman aninit long Haia na Teknolojikol Edukesen Rifom Ekt, 2020 na Nesenel Trening Kaunsil (Amenmen) EKt, 2020.

DHERST bai i rejista  olgeta praivet trening insitusen husat i save ofarim ol ekstenel haia edukesen awot aninit long PNG Nesenel Kwalifikesen Fremwok. Olgeta program aninit long Haia Edukesen (Jeneral Provisen) Ekt, 2020 (i amen) (HEGPA).

NTC bai i wok long sapotim yet ol wok insait long oganaisesen na givim helpim wantaim ol 3-yia Trening Plen aninit long Nesenel Trening Levi Rikwaimen. Daireksen bilong ol Praivet Trening Insitusen.

1. DHERST bai i luksave long olgeta NTC rejistresen na akreditesen setifiket  olsem valid aninit long HEGPA na long taim NTC i  bin givimaut long Desema 2021.

2. NTC bai transfe olgeta data beis bilong ol praivet trening insitusen i go long DHERST.

3. Ol aplikesen i bin stap wantaim NTC bai i transfe i go long DHERST wantaim na bai i no gat kost bilong en. DHERST bai toksave long ol apliken long wanem samting bai kamap. 4.

Bipo long rejistresen, akreditisen, praivet trening insitusen i ekspaia bai ol i mas kontektim DHERST Kwaliti Asurens Divisen long quad@dherst. gov.pg o (675) 301 7041 long kisim nupela setifikesen bilong ol.

5. Ol praivet insitusen rejistresen bilong i pinis o husat i no rejista i mas kontektim DHERST Kwaliti Asurens Divisen long This email address is being protected from spambots. You need JavaScript enabled to view it. o (675) 301 7041 long statim o riniu rejistresen bilong ol.

DHERST bai helpim ol long dispela proses. Bai gat bikpela mekimsave long HEGPA long ol praivet insitusen husat i no rejista. DHERST na NTC i tok tenkyu long ol praivet trening insitusen na ol stekholda long stap isi na wet long taim bilong dispela senis.