Hevi bilong COVID -19 long Papua Niugini i givim planti bikpela hat taim long ol haus sik long kantri.

 LONG stat bilong mun Novemba, Etep rurel haus sik long TewaiSiasi distrik i tokaut long pasim olgeta wok bilong givim sevis long ol sik manmeri. Wankain tasol Braun Distrik haus sik long Finchaffen, Morobe Provins i tokaut long daunim ol wok bilong givim sevis long ol sik manmeri i go daun bihainim tait kalenda bilong haus sik. Braun haus sik nau i gat wanpela dokta tasol i stap long lukautim haus sik. Taim bilong lukim dokta long olgeta Mande

em, 15 nupela sikmanmeri tasol, ejen riferol long OPD na riviu bilong ol sik manmeri bihainim det long kad. Long olgeta Trinde bai i gat riviu long olgeta sik manmeri tasol wantaim riferol i kam long autpesen klinik. Long Friade long olgeta potnait bai dokta i lukluk long ol riviu tasol na long Fraide bilong lus wik bai i gat riviu bihainim det na emejensi o arapela riferol i kam long autpesen klinik. Toksave i kam long CEO bilong

haus sik long ol sik manmeri i mas olgeta taim bringim haus sik kad na luksave long det bilong ol long riviu taim ol i go long haus sik. Braun haus sik i save helpim planti manmeri long olgeta hap bilong kantri. Ol manmeri i gat kain kain sik i save go long Braun long kisim tritmen. Tasol hevi bilong fanding long go het long wok bilong haus sik na ol dokta i save bagarapim na daunim gutpela nem na ol wok haus sik i save givim.