PAPUA Niugini na ol Repablik bilong France i wok wantaim long strongim kalsa na ikonomik bilong tupela kantri.

Senata na Het bilong ol French Pacific Islands Grup, Catherine Procaccia i bin bung wantaim Minista bilong Edukesen Jimmy Uguro long Senate long Palais Du Luxemburg long Paris long 17 Novemba 2021 na ol i bin serim tingting long rijonal na patnasip long kalsa, edukesen na klaimet eksen. Ol i bin toktok long gutpela bilong yunivesal na kwaliti edukesen na long painim aut patnasip tingting  bilong bringim edukesen i go long ol ples longwe wantaim riniuabel eneji. Ol i bin tok moa long Gavman bilong PNG long protektim na konsevim dispela namba tri bikpela renforest long wol na bikepla wan long Asia Pacific rijon. Minista Uguro i stap long Paris long dispela UNESCO Jeneral Konprens we i pinis long 24 Novemba 2021.