PLANTI pikinini meri i mas go long skul. National Research Institute (NRI) i tok gavman  mas lukluk gen long genda edukesen polisi  long mekim rot bilong ol pikinini meri i mas go long skul.

Wanpela risesetsa bilong NRI Jeremy Goro i toktok long dispela bihain long ol wok ol i mekim long painimaut wanem ol samting i wok long pasim ol pikinini meri long i no go long skul. Mista Goro i tok, “Planti polisi i stap long sapotim ol pikinini meri long go skul tasol ol i no mekim wok bilong strongim dispela ol polisi bilong sapotim ol pikinini meri.” Gavman i mas long Dipatmen bilong Edukesen na mekim Edukesen Strateji Plen bilong 2010 i go long 2030 na toktok strong long sapotim ol pikinini meri long go long skul. Ol i mas lukluk long ol selekesen bilong ol pikinini meri long praimeri skul i  go inap long sekenderi. Wok bilong trenim ol tisa tu i mas i gat hap we man na meri wantaim i bai isi long kisim trening. Dispela i bai mekim isi long ol pikinini meri long go mekim wok tisa na kisim trening.

Mista Goro i toktok moa, “Plantimani i mas kam long sapotim jenda yunit long helpim ol pikinini meri long go long skul. Planti wok painimaut na awenes i mas kamap long rait bilong ol pikinini meri long go long skul na kisim save.

Samantha Solomon i raitim