OL salens long surukim edukesen i gat planti stori long olgeta hap bilong Papua Niugini. Wanpela papa bilong 3-pela pikinini John Timothy husat i nau bai pinisim masta digri bilong em olsem Australia Awot skola bihain long bikpela hatwok.

John bilong Wes Nu Briten na i bin pinisim praimeri na hai skul bilong em long Rabaul, Is Nu Briten. Bihain long pinisim Gret 10 long 1991, em bin stap long seleksen lista bilong stadi long bisnis stadi long Sonoma Adventist Koles tasol em bin lusim. Bihain long wanpela yia, John i bin stap nating wantaim no gat plen bilong go bek long skul. John i bin marit na i gat famili, tasol em bin hatwok long painim wok na kisim mani inap long lukautim famili. Em i tok laip i olsem win tasol em bin sanap strong na bilip olsem em bai orait wanpela taim. “Papamama bilong mi bin pinis wok na go bek long viles. Tupela i bin hatwok long sapotim edukesen bilong ol tripela yangpela brata bilong mi. Dispela i bin strongim mi long surukim stadi bilong mi long kisim wok na sapotim papamama na ol brata bilong mi,” John i tok. Bihain long 10-pela yia no gat fomal edukesen, John i bin rejista long Institute ov Bisnis Stadis long Pot Mosbi. Long hap wantaim sapot bilong famili na ol pren bilong em i bin apim em go antap long kisim biknem long famili bilong em. John bai pinisim Masta ov Bisnis Edministresen bilong em long Univesristy of Tasmania dispela yia na bai no inap lus tingting long husat ol i bin sapotim em long edukesen bilong em. “Long taim no gut na gutpela taim mi bin hatwok wantaim famili bilong mi em mekim mi pait strong long winim gol bilong mi,” em i tok. “Mi amamas olgeta taim mi stap long Australia. Maski dispela COVID-19 pandemik i bin givim hevi tasol dispela i bin kamapim nupela rot bilong lainim na ofaim nupela samting long laip.” John bai kam bek long wok wantaim Bismark Maritime na ol plen long sapotim kampani veliu bilong seif ekosistem prektis long kamap wantaim seif marin envaironmen na komyuniti. “Husat i save ting olsem laip bai i stop long gret 10 na 12. Dispela em giaman tingting. Mi laik yu i mas mekim ol positiv ektiviti we bai strongim tingting bilong yu na pusim yu fowat long kamap gutpela man o meri bihain taim,” em i tok. Kisim planti ekspriens na lukluk long ol sans kain olsem Australia Awards Skolasip bai helpim yu long winim ol driman bilong yu na bai sensim laip bilong yu.