POT Mosbi Jeneral Haus sik i stap long mak nogut, wantaim ol sevis i stap long mak bilong pundaun sapos ol i no kisim inap sapot.

Mipela nidim moa risos pait wantaim long dispela karen kos, na mipela nidim ol pablik long bihainim Niupla Pasin long stopim trensmisen bilong vaires. Dispela situesen nau long PMGH em i olsem, AUSTMAT triage tent, Emegensi Dipatman, Isolaisen Wod, Covid Wod i pulap pinis na tu ol narapela bet long ol narapela seksen tu i pulap, na long Meteneti wod ol i bin givim long COVID i pulap tu wantaim ol COVID - 19 sik manmeri. 52 medikol na 42 nursing staf bilong hausik i bin kisim dispela vaires na i ol kisim ol de off long isolate namel long ol haus we i lukim wok manmeri i sot. Mipela i stap long taim nogut we i lukim planti COVID sik manmeri i kamap long haus sik wantaim sot win we nidim helpim. Dispela ol liklik namba bilong wok manmeri i stap i wok ova taim na mipela i nid long kisim moa wok manmeri kwik taim. Ol wok manmeri bilong mipela lukim planti mentol helt salens, taim mipela i lukim namba bilong indai i go antap long histori bilong haus sik. Wantaim dispela ol narapela PHA’s i wok long askim long PMGH Medikol wok manmeri, na dispela i putim bikpela hevi long haus sik tude. PMGH i sapotim ol narapela provins wantaim ol Speselis wok manmeri olsem hap bilong imejensi medikol tim trevol raun long kantri. Long dispela wik wanpela anaesthetist, Obstetrics na Gynaecologist wantaim wanpela midwife bai trevol i go long Goroka Haus sik we i gat bikpela nid. Kwik dainostik  tes bilong COVID long ol visita na ol narapela sik lain long haus sik, bihain long pruvim wantaim Gene Xpert testing, i sowim 15 persen positiv reit. Planti bilong dispela em ol narapela visita, sampela ful asymptomatic, ol i no save ol i gat COVID – 19 binatang na spredim dispela vaires i go long ol narapela stap long mak nogut. Dispela em tokim mipela olsem ol manmeri i muv raun na spredim dispela vaires we i risalt long bikpela kalap bilong vaires long komyuniti. Ol manmeri i wok long indai bipo long ol i kamap long haus sik. Mog bilong mipela i rekodim 50 indai edmisen long Mande, 40 indai edmisen long Tunde na 30 indai edmisen long Trinde wantaim moa long kamap long nait. Mipela i no bin rekodim dispela kain indai long edmisen long bipo. Mog i pulap wantaim ol bodi i stap antap long ol narapela bodi. Moa long 300 bodi i stap long mog. Narapela 3pela kontena bokis ais ol i instolim long putim ol indai manmeri tasol em i no inap. Sampela ol bodi i stap ausait long wanem mipela stil nogat inap spes insait long mog. Wanpela mes beriol bilong 200 bodi bai kamap dispela wik long kamapim spes. Dispela em ol bodi bilong COVID positiv na ol we ol lain i no kam kisim. Haus sik i no inap long kontiniu long wok long dispela kain hevi. Dispela vaires i no inap long muv, manmeri bai muv. Mipela nidim wanpela kwik  intavensen long helpim helt sistem  bilong mipela we i nogat strong hia long NCD. Haus sik bilong mipela em impotent hap bilong dispela helt sistem na mipela i nogat inap risos na wok manmeri long namel bilong dispela namba 3 wav. Wantaim dispela liklik risos long lukluk long ol COVID sik manmeri, mipela i traim hat long lukluk long heltkea nid bilong ol komyuniti long olgeta de. Mipela rekomen olsem ol pipel long NCD long wokim hap bilong ol. Stap long haus, werim mask karamapin gut nus na maus long pablik na aisolet sapos yu gat sua long nek na kus. Sapos yu ken kisim veksin, plis kisim veksin. Sapos nogat strongpela infosmen long Niupela Pasin, dispela institusen bai pundaun. Bihainim Niupela Pasin na kisim veksin. Helpim mipela long helpim yu.