GAVANA bilong Wes Nu Briten Sasindran Muthuvel i tokim ol pipel bilong provins bilong en long kisim veksin na stopim COVID-19 long go bikpela insait long provins.

Gavana Muthuvel i toktok long dispela long Oktoba 21  bihain long planti toktok i wok long kamap long Facebook na Watsapp long paulim tingting bilong ol pipel long  mekim disisen bilong ol long kisim veksin.

Gavana i no amamas long ol pipel husat i tok pait long tupela helt woka husat i bin  mekim awenes bilong COVID-19 insait long Wes Nu Briten. Gavana Muthuvel i tok, “Ol helt wok manmeri i kam bilong helpim yupela long tokim yupela long sik i wok log kilim ol manmeri insait long kantri na long wol tu. Yupela i mas tok sori long ol helt woka husat yupela i bin mekim nogut long ol long

en.” “Ol nius olsem i go long ol arapela provins na dispela em i no gutpela tumas. Ol pablik i mas harim tok bilong ol nes na dokta bilong yumi. Em ol dispela manmeri tasol i wok long kisim hatpela taim long helpim long stopim sik. “No ken lukluk na harim ol kainkain toktok i wok long kamap long ol sosel midia. Ol dispela manmeri husat i wok long salim ol dispela toktok, ol i nogat save bilong ol na i toktok nating. Gavana Muthuvel i tok moa, Papua Niugini i mas kisim infomesen bilong covid-19 na veksin long ol manmeri husat i kisim save long mekim dispela wok na i no long ol manmeri nating. Em  i laik bilong wan wan man na meri long mekim disisen bilong ol long kisim veksin. Wantaim sikiss milen manmeri long wol i kisim veksin  em i soim olsem 80 pesen bilong ol manmeri i kisim veksin. Ol pasifik Ailan kantri olsem Fiji 80 pesen bilong populesen bilong ol i kisim veksin bihain long bikpela namba manmeri i kisim COVID-19. Yumi mas yusim tingting bilong yumi gut taim yumi ritim infomesen long ol sosel media.