ISTEN Hailans Provinsol Helt Atoriti (EHPHA) i askim manmeri long kisim coronavirus (COVID-19) banis sut na banisim ol yet na famili bilong ol.

EHPHA Sif Ekseketiv Opisa, Dokta Joseph Apa it ok sik i wok long bagarapim laip na ol i mas mekim disisen long kisim banis sut. Em i mekim dispela tok long taim mog long Goroka Jeneral Haus sik i pulap long bodi bilong manmeri i dai na i no gat moa spes long putim bodi bilong ol. Ol bodi bilong ol man na meri husat i dai long sik COVID-19 em ol wokmanmeri bilong Goroka Provinsol Haus sik i putim long bodi beg na karim i go putim ausait long tupela kontena mog. Em i askim olgeta manmeri long bihainim olgeta lo bilong COVID-19 na Nupela Pasin long abrusim dispela sik. Bikhet na pasin bilong i no save harim tok long bihainim Niu Nomol pasin na i no kamap na kisim veksin inap lukim ol yet na famili bilong ol i kisim bikpela bagarap. Niu Nomol em yu mas putim pes mask, stap longwe long wanpela na narapela, abrusim ples bilong bung na no bung na pas wantaim, na wasim han wantaim sop na wara o han senitaisa. Nau yet planti ol manmeri na pikinini i no harim na bihainim dispela ol pasin. Ol i no harim tok na i bihainim dispela i lukim namba bilong ol lain husat i kisim COVID-19 na i dai long em i wok long go antap yet long provins. Dispela pasin bilong ‘I DON’T CARE’ em i stap olsem na sik wantaim i dai long COVID-19 em i wok long go antap yet long provins. Sapos ol manmeri i harim tok dispela bai daunim namba. Foa na 5-pela dai i save kamap long wanpela de na dispela em mak nogut. Dokta Apa i tok dispela i lukim mog bilong haus sik i pulap na ol i yusim tupela kontena olsem mog na putim ol dai manmeri husat i dai long COVID-19. Ol wok manmeri husat i save lukautim ol COVID-19 sik lain tu i kisim bikpela taim tru long lukautim ol bikos nogat manmeri i helpim ol. “Laip bilong olgeta manmeri long provins em i stap long han bilong ol yet nau, long bihainim pasin bilong Niu Nomol o kamap na kisim banis sut o veksin bilong sik COVID-19 na abrusim sik na i dai tu,” Dokta Apa i tok.

Sape Metta i raitim