NATIONAL Eastern Highlands Adventist Students Association (NEHASA) i wok long mekim ol fanresing bilong painim mani na sapotim Isten Hailans long paitim COVID-19.

NEHASA i kisim 100 oksijen silinda bilong sapotim Provins long paitim COVID-19. Presiden bilong NEHASA, Jarmol Hog i tok ol 50 silinda ol i salim i go pinis long Goroka las wik na narapela 50 bai go long dispela wik. NEHASA  i bin kamap wantaim dispela tingting na ol i mekim ol fanresing bilong sapotim Eastern Highlands Provinsal Health Authority (EHPHA) . Mista Hogi i tok COVID-19 na Delta Varient i afektim Provins na i kamapim planti dai. “Tingting bilong mipela long painim mani na sapotim provins i bin stat long taim ol helt woka i askim helpim bilong oksijen taim namba bilong COVID-19 keis i go antap,” Mista Hogi i tok. Em i tok ol fanresing ol i wok long mekim em bilong PHA long baim ol oksijen silinda na ol narapela PPE. Em tok las wik NEHASA i mekim mani mak long K75, 800. Long dispela taim NEHASA i wok klostu tru wantaim PHA long paitim hevi bilong COVID-19. NEHASA i mekim apil bilong narapela fanresing we bai kamap long Oktoba 17.

Mista Hogi tok husat i laik sapotim provins wantaim lewa bilong em i ken yusim dispela akaun long dipositim mani.

Account Name: Eastern Highlands Advertist Students Association Account Number: 1000959944 Bank: Bank of South Pacific