OL pipel long Nesenel Kepital Distrik (NCD) i mas lukautim gut helt bilong ol bikos Pot Mosbi Jeneral Hospital (POMGEN) i katim daun ol sevis bilong en stat long Trinde 6 Oktoba.

COVID-19 i kisim ples long dispela haus sik na ol i ting bai namba bilong ol sikman na meri i surik i go antap moa yet long ol wik i kam bihain. Ol wokman i skelim ol wok nau long helpim Imjensi Dipatmen, Medikol Wod 3B, Aisolesen Wod na Taurama Akwatik Senta (TAC). Toksave i kam long POMGEN i  tok long pinis bilong mun Septemba, ol i bin kisim 88 COVID-19 sikmanmeri na 33 bilong ol i bin kamap long haus sik long dispela wik Mande. Ol dispela sevis bai i no inap lukim ol sikman o bai ol i givim praioriti long ol i nidim tru helpim;

• Pathology – Bai ol i mekim tasol wok bilong imjensi test, cross match na blood transfusion. Bai ol i bihainim ol mesa bilong Niupela Pasin long taim bilong kisim blut.
• S u r g i c a l Service – Bai no gat elective surgery. Bai gat imejensi surgery tasol long Jeneral na Speseliti sevis na Obstetrics/Gynecology.
• Consultation Clinic – Olgeta konsaltesen klinik i pas long Trinde 6 Oktoba. Ol dokta bai toksave long ol klaien bilong ol.
• TB Clinic – TB klinik bai i op yet, tasol ol manmeri i mas

bihainim ol mesa bilong Niupela Pasin, stap longwe, pasim mask na wasim han.

• Emergency Department – Bai lukim lain i gat imejensi kondisen tasol. Ol arapela lain i mas go kisim helpim long ol arapela klinik long siti.
• R a d i o l o g y Department- Imejensi na ol in-patient radiology sevis bai inap kisim XRay. Bai ol i skelim ol arapela na toksave. Ol i mekim olsem long stopim ol pipel i go pulap long XRay seksen. Ol lain i go long kisim XRay i mas bihainim ol mesa bilong Niupela Pasin.
• Ol Arapela Sevis – Ol arapela sevis i mas bihainim ol mesa bilong Niupela Pasin, stap longwe long ol arapela, putim mask, wasim han. Ol dispela sevis em Dental, Physiotherapy, Social Works, Heduru Clinic, Oncolocy, Antenatal na General Support Service.
• Vaccination – Ol wokmanmeri bilong haus sik na pablik i ken kisim sut long POMGEN yet na ol arapela ples ol i makim insait long siti.
• P O M G E N Pharmacy – Bai ol i givimaut priscripsen marasin tasol bai ol i sotim taim bilong wok long Mande i go inap Fraide.
• Staff- Olgeta wokmanmeri bilong haus sik i mas bihainim rosta long mekim wok bilong ol na moa yet long ol eria we i nidim bikpela helpim insait long haus sik.